Nazir Makronu hədələdi: "Fələstin kağız üzərində qalacaq"
Onlar Fələstin dövlətini kağız üzərində tanıyacaqlar, biz isə yerdə yəhudi-İsrail dövləti quracağıq.
TNS “Times of İsrael”ə istinadən xəbər verir ki, bunu İsrailin müdafiə naziri İsrael Katz İordan çayının qərb sahilindəki Sa-Nur yaşayış məntəqəsinə ziyarəti zamanı Fransa Prezidenti Emmanuel Makronun Fələstin dövlətinin tanınmasının “mənəvi borc” olduğunu deməsinə münasibət bildirərkən qeyd edib.
Katzın səfəri İsrail hökumətinin 22 yeni yaşayış məntəqəsinin, eləcə də İsrailin 2005-ci ildə Qəzza zolağından çəkilməsi zamanı təxliyə edilmiş Sa-Nur yaşayış məntəqəsinin bərpası qərarından sonra baş tutub.
Katz hökumətin qərarının tarixi an olduğunu və “Makrona və onun dostlarına açıq mesaj” olduğunu qeyd edib.
“Bizi sanksiyalarla təhdid etməyin, çünki bizi dizlərimiz üstə çökdürə bilməzsiniz. İsrail dövləti təhdidlərə boyun əyməyəcək”, - Katz bəyan edib.
