Vergi Xidməti xalq artistinin brendini ləğv etdi
12:21 - 22 May 2025
Rusiyanın Federal Vergi Xidməti (FNS) xalq artisti Filip Kirkorovun brendini ləğv edir.
TNS xəbər verir ki, bu barədə “Life Shot” məlumat yayıb.
Xalq artisti 13 il əvvəl geyim və ayaqqabı satışı ilə məşğul olan şirkəti qeydiyyatdan keçirib və ticarət mərkəzlərinin birində brend əşyaların satıldığı “Phil 4 You” butikini açıb.
Nəşrin yazdığına görə, əvvəlcə sənətçinin imza üslubunda olan parlaq əşyalar alınsa da, sonradan butikə gələnlər guya heyətdən şikayət etməyə başlayıblar. İki il sonra sənətçinin butiki “Ostatki Sladki” fond mərkəzinə köçüb və sonra bağlanıb.
Həmin vaxt hüquqi şəxs ləğv edilməyib. 2024-cü ilin noyabrında Federal Vergi Xidməti əvvəlcə “Phil 4 You” şirkətinin hesablarını bloklayıb və indi onun ləğvi prosesinə başlayıb.
