"Telegram" müsabiqə elan edir: mükafat 50 min
Telegram, iştirakçılara tədbiqin “WhatsApp”dan daha yaxşı olduğunu yaradıcı şəkildə göstərməyə çağıran 50 min dollar dəyərində müsabiqəyə start verib.
TNS xəbər verir ki, bu, “Telegram”ın ilk belə müsabiqəsidir.
İştirakçılardan ingilis dilində ”Telegram”ın stiker və kanallardan tutmuş botlara və hekayələrə qədər əsas xüsusiyyətlərdə “WhatsApp”ı necə üstələdiyini izah edə biləcəkləri qısa şaquli video (180 saniyəyə qədər) yaratmaq tələb olunur.
Müraciət üçün son tarix mayın 26-dır və müsabiqənin nəticələri 2025-ci ilin iyununda açıqlanacaq. Ən yaxşı videoların müəllifləri öz aralarında 50.000 ABŞ dolları bölüşdürə, videonun özü isə “Telegram” platformalarında və ondan kənarda geniş şəkildə yayıla biləcək.
Müsabiqə “Telegram” və “WhatsApp” arasında davam edən rəqabətin bir hissəsidir. Mayın 10-da tətbiqin qurucusu Pavel Durov “WhatsApp”ın birbaşa “Telegram” kanallarında reklam yerləşdirməyə başladığını elan edib və bunu "çarəsizlik aktı" adlandırıb.
