İşçilər zavoddan 161 minlik qızıl oğurlamaq istədilər
17:59 - 17 May 2025
Özbəkistanın dövlət təhlükəsizlik xidməti Navoy şəhərində yerləşən 3 saylı hidrometalurgiya zavodunun işçilərinin tərkibində 1,5 kq-dan çox qızılolan iki kiloqramlıq yarımfabrikatı oğurlamaq cəhdinin qarşısını alıb.
TNS xəbər verir ki, bu barədə Özbəkistan DTX-nin “Telegram” kanalında məlumat yayılıb.
Məlumata görə, iki usta və bir sex işçisi əvvəlcədən əlbir olaraq iki kiloqramlıq yarımfabrikatı müəssisənin içindəki hava təmizləmə borusunda gizlədiblər.
Sözügedən yarımfabrikatın tərkibində 1 kiloqram 523 qram xalis qızıl olub və onun bazar dəyəri təxminən 161,7 min ABŞ dolları təşkil edir.
Oğruluq cəhdində şübhəli bilinənlərə qarşı cinayət işi açılıb.
