Tehranda zavod yaxınlığında güclü yanğın başlayıb
18:01 - 12 May 2025
Tehranda "Iran Khodro Diesel" avtomobil istehsalı zavodunun yaxınlığında güclü yanğın başlayıb.
TNS xəbər verir ki, bu barədə "Azad İran" "Telegram" kanalı xəbər verib.
Məlumata görə, hələlik yanğının səbəbi müəyyən edilməyib.
Qeyd edək ki, artıq İranda yanğınlar silsilə hal alıb. Belə ki, təxminən bir həftə əvvəl İran və Əfqanıstan arasındakı gömrük körpüsündə dəhşətli yanğın olub. Aprelin 26-da isə Bəndər Abbas şəhərində yerləşən Şəhid Rəcai limanında azı 100 nəfərin ölümü ilə nəticələnən partlayış baş verib. Mayın 5-də limanda yenidən yanğın olub.