Rəsmi Ankaranın Zelenskinin bu planından məlumatı yoxdur
23:06 - 11 May 2025
Türkiyə Prezident Administrasiyasının Ukrayna lideri Volodimir Zelenskinin mayın 15-də İstanbula gəlişi barədə məlumatı yoxdur.
TNS xəbər verir ki, bu barədə admnistrasiyadan "RİA Novosti"yə məlumat verilib.
Mayın 11-nə keçən gecə Rusiya Prezidenti Vladimir Putin Ukraynaya mayın 15-də İstanbulda ilkin şərt olmadan birbaşa danışıqlar aparmağı təklif edib.
Rusiyanın təklifinə cavab olaraq Zelenski öz "Telegram" kanalında atəşkəs olacağı təqdirdə mayın 15-də Putini İstanbulda şəxsən gözləyəcəyini yazıb. Onun sözlərinə görə, hərbi əməliyyatların tam və davamlı dayandırılması diplomatiya üçün lazımi zəmin yaradacaq.
