Ukrayna istənilən formatda danışıqlara hazırdır
21:40 - 10 May 2025
Ukrayna istənilən formatda görüşlərə və danışıqlara hazırdır.
TNS "Unian"a istinadən xəbər verir ki, bu barədə Ukrayna Prezidenti Volodimir Zelenski bildirib.
O, qeyd edib ki, mayın 10-da Kiyevdə keçirilmiş "İstəkli ölkələr koalisiyası" sammitindən sonra ABŞ Prezidenti Donald Trampla aparılmış telefon danışığı yaxşı, müsbət və konkret olub.
“Bizim ümumi mövqeyimiz budur ki, ən azı 30 gün müddətinə dərhal, tam və qeyd-şərtsiz atəşkəs təmin olunmalıdır. Təklif edirik ki, bu atəşkəs mayın 12-si, bazar ertəsindən başlasın. Rusiya tərəfindən cavab gözləyirik. Bu təklif hələ Səudiyyə Ərəbistanında keçirilmiş danışıqlardan qüvvədədir. Həmin vaxt onu ilk dəfə ABŞ irəli sürmüşdü,” – Zelenski vurğulayıb.
