Trampdan Kanada ilə bağlı açıqlama
22:30 - 04 May 2025
ABŞ Prezidenti Donald Tramp Vaşinqtonun nə vaxtsa Kanadanı Birləşmiş Ştatlara birləşdirmək üçün hərbi güc tətbiq edəcəyinə inanmır.
TNS xəbər verir ki, bu barədə Amerika lideri NBC News telekanalına müsahibəsində bildirib.
“Düşünürəm ki, biz heç vaxt bu nöqtəyə çatmayacağıq”, – o, Kanadanın ABŞ-yə güc yolu ilə birləşdirilməsi imkanı ilə bağlı suala cavab verib. “Qrenlandiya ilə bağlı nəsə baş verə bilər, səmimi olacağam, o bizə həm milli, həm də beynəlxalq təhlükəsizlik üçün lazımdır, bununla yanaşı düşünürəm ki, Qrenlandiya məsələsinin güc yolu ilə həlli son dərəcə az ehtimallıdır. Kanada ilə bağlı mən bunu qətiyyən görmürəm”.
Bununla yanaşı, Tramp bildirib ki, əgər Kanada ABŞ-nin tərkibinə daxil olsaydı, “dəyərli ştat” olardı.