Suriyada druzlarla hökumət qüvvələri arasında şiddətli toqquşmalar baş verib
17:20 - 29 Aprel 2025
Suriyanın cənubunda druzlarla hökumət qüvvələri arasında silahlı toqquşma baş verib.
TNS xəbər verir ki, bu barədə Türkiyənin "Yeni Şafak" nəşri məlumat yayıb.
Belə ki, yerli druz liderlərindən birinin Məhəmməd peyğəmbəri təhqir etməsi müsəlmanların hiddətinə səbəb olub və nəticədə bölgədə gərginlik yaranıb. Hökumət qüvvələri isə druzlarla suriyalı ərəblər arasında başlamış qarşıdurmanı yatırmaq məqsədilə ölkənin cənubuna göndərilib.
Lakin bundan hiddətlənən druzlar ordu bölmələrinə atəş açıblar. Silahlı toqquşmalar nəticəsində hər iki tərəfdən ölənlərin olduğu bildirilir. Hələlik Suriya rəsmiləri insidenti şərh etməyiblər.
