ABŞ Prezidenti Donald Tramp ölkəni könüllü tərk etməyi planlaşdıran qeyri-qanuni mühacirlərə pul və təyyarə bileti vermək istədiklərini bildirib.

TNS xəbər verir ki, bu barədə “Fox News”un “Noticias” proqramında danışıb.

Tramp hazırda ölkədən immiqrantları deportasiya etməyə davam etdiklərini qeyd edib və ölkəni tərk etmək istəyən qeyri-qanuni immiqrantlar üçün proqram üzərində çalışdıqlarını açıqlayıb.

ABŞ prezidenti seçki kampaniyası zamanı milyonlarla immiqrantı deportasiya etmək istədiklərini söyləsə də, vitse-prezidenti Ceyms Devid Vens 1 milyon immiqrantla başlaya biləcəklərini bildirib.

Tramp qeyri-qanuni immiqrasiyaya qarşı mübarizəsinin bir hissəsi olaraq "xarici terror təşkilatları" ilə əlaqəsi olan immiqrantların deportasiyasını sürətləndirmək üçün əvvəllər yalnız müharibə zamanı istifadə edilən bir güc olan "Yad Düşmənlər Qanunu"na müraciət edib.

1798-ci il Yad Düşmənlər Qanunu prezidentə sənədsiz immiqrantları hədəfə almaq və deportasiya etmək üçün fövqəladə səlahiyyətlər verir.