Trampın son planı deşifrə oldu
ABŞ və Çin arasında ticarət münaqişəsi iqtisadiyyatın və texnologiyanın bütün sahələrinə yayılmağa başlayıb. Vaşinqtonun əlavə tarif planına cavab olaraq nadir metalların satışını dayandırmaq qərarına gələn Pekinə qarşı Trampın son planı üzə çıxıb.
TNS “Financial Times”a istinadla xəbər verir ki, plana görə, Tramp artıq Sakit okeanın dibində kritik metalların yığılması üçün hazırlıqlara başlayıb.
ABŞ Çin mənşəli məhsullara vergi dərəcələrini davamlı olaraq artırdıqdan sonra Çin hökuməti də eynilə qarşılıq verib, həmçinin nadir torpaqların satışını qadağan edib.
Çin dövri cədvəldə 17 elementi ehtiva edən nadir torpaq minerallarının dünyanın ən böyük tədarükçüsüdür. ABŞ Geoloji Tədqiqat Xidmətinin məlumatına görə, bu, dünyada nadir torpaq istehsalının demək olar ki, 70%-ni təşkil edir. Bu kontekstdə ABŞ administrasiyası da Çinin son addımına nadir torpaq ehtiyatları yığmaqla cavab verməyə hazırlaşır.
