ABŞ və Rusiya bu məhbusları dəyişdilər
14:31 - 10 Aprel 2025
Rusiya və Amerika danışıqlar qrupları bu gün Əbu-Dabidə davamlı etimad yaradılması əlaməti olaraq məhbus mübadiləsi həyata keçiriblər.
TNS xəbər verir ki, bu barədə “The Wall Street Journal” məlumat yayıb.
Rusiya ikili vətəndaşlığı (ABŞ və Rusiya vətəndaşlığı) olan Kseniya Karelinanı azad edib. Karelina ötən il ABŞ-də yerləşən Ukrayna xeyriyyə təşkilatına ianə verdiyinə görə təqsirli bilinərək 12 il müddətinə azadlıqdan məhrum edilib.
Öz növbəsində ABŞ Rusiya və Almaniya vətəndaşı Artur Petrovu Rusiya tərəfinə təhvil verib. Petrov 2023-cü ildə ABŞ-nin tələbi ilə Kiprdə məxfi mikroelektronikanın ixracı iddiası ilə həbs edilib.
