ABŞ-də prezident Donald Trampın siyasətinə qarşı mindən çox etiraz aksiyası keçirilməsi planlaşdırılır.

TNS xəbər verir ki, bu barədə “The Guardian” məlumat yayıb.

Nəşrin məlumatına görə, hazırda ABŞ-nin 3 şəhərində, xüsusilə də Los-Anceles və Vaşinqtonda aksiyalar keçirilir. İlon Maskın yüksəlişi, Trampın LGBT-yə qarşı siyasəti, səhiyyə xərclərinin azaldılması, ətraf mühitin və milli parkların dəstəklənməsi tədbirlərinin azaldılması, ölkədə irqçiliyin güclənməsi, o cümlədən Trampın Rusiya Prezidenti Vladimir Putinlə isti münasibətləri etirazçıları qəzəbləndirib.

Etirazın liderlərindən biri ABŞ Konqresinin Nümayəndələr Palatasının Demokratlar Partiyasından olan üzvü Ceymi Raskin olub.

"Kanada və Panamadan əl çəkin. Onlar müstəqil ölkədirlər. Biz torpağı, havanı, suyu, iqlim sistemini, konstitusiyanı, hüququ, sosial məsuliyyəti, səhiyyə və səsvermə hüquqlarını, Əmək qanununu müdafiə edəcək mühafizəkarlarıq”, - konqresmen tərəfdarlarına müraciətində bildirib.