Trampdan 60 ölkəyə rüsum: Rusiyanın olmadığı siyahıda Azərbaycan da var
ABŞ Prezidenti Donald Tramp Azərbaycan da daxil olmaqla, bir çox ölkələr üçün müxtəlif faiz dərəcələri ilə yeni rusumlar tətbiq edib.
TNS xəbər verir ki, siyahıda 60 ölkə olsa da, Rusiya, Şimali Koreya və Belarus kimi ölkələr yer almayıb.
ABŞ-nin maliyyə naziri Skott Bessent “Fox News”a bildirib ki, ABŞ Rusiya ilə ticarət aparmadığı üçün onu rüsumların tətbiq olunduğu ölkələr siyahısına daxil etməyib.
Siyahıda Kuba, Belarus və Şimali Koreyanın olmamasına səbəb kimi isə həmin ölkələrə tariflərin və sanksiyaların artıq çox yüksək olması göstərilib.
Trampın siyahısından çıxarılan digər iki böyük iqtisadiyyat Kanada və Meksikadır.
Ağ Evin sözçüsü Karolin Livitt “Axios”a açıqlamasında Trampın artıq hər iki ölkəyə 25% rüsum tətbiq etdiyini deyib.
Beləliklə Çinə 34%, Aİ ölkələrinə 20%, İsveçrəyə 31%, Moldovaya 31%, Qazaxıstana 27%, Azərbaycan da daxil bir çox ölkəyə isə 10 % rüsum tətbiq olunacaq.
