Həbsxana işçiləri işdən çıxarıldı, məhbuslar vaxtından əvvəl azad ediləcəklər
23:05 - 02 Aprel 2025
ABŞ-nin Nyu-York ştatında 2 mindən çox həbsxana işçisinin "birliklərin icazəsi olmadan" tətil etdikləri üçün əmək müqavilələri ləğv edildiyindən, yüngül cinayətlərdə mühakimə olunan məhbuslar kadr çatışmazlığı səbəbiylə vaxtından əvvəl azadlığa buraxılacaqlar.
TNS xəbər verir ki, bununla bağlı İslahatlar və İcma Nəzarət Departamentinin direktoru Daniel Martuscello təlimat verib.
Azadlığa buraxılacaq məhbuslar arasında cinsi cinayətlər, qətl və ya terrorizmə görə mühakimə edilənlər olmayacaq.
Qərar kiçik cinayətlərə görə mühakimə olunan və 15 ilə 110 gün arasında həbs cəzası alanlara şamil ediləcək.
