Finlandiya Ottava Konvensiyasından çıxdığını elan edib
17:30 - 01 Aprel 2025
Finlandiya piyada əleyhinə minaları qadağan edən Ottava Konvensiyasından çıxmaq üçün hazırlıqlara başlayır.
TNS xəbər verir ki, bu barədə ölkənin Baş naziri Petteri Orpo hökumətin brifinqində bildirib.
Bu addım Polşa və Baltikyanı ölkələr olan Estoniya, Latviya və Litvanın oxşar qərarları fonunda atılıb.
Eyni zamanda Finlandiya müdafiə büdcəsini ÜDM-in 3 %-nə qədər artırmağı planlaşdırır. Bundan əlavə, quru qoşunlarında islahat aparılacaq.
"Vurğulamaq istəyirəm ki, Finlandiyanın və onun sakinlərinin narahat olmağa səbəbi yoxdur. Qəbul edilmiş qərarlarla biz Finlandiyanın müdafiəsinin növbəti illərdə də etibarlı şəkildə təmin olunacağına zəmanət veririk", - Baş nazir bildirib.