Paşinyan və Əraqçi Ermənistanla Azərbaycan arasında sülh sazişini müzakirə ediblər - YENİLƏNİB

Ermənistanın baş naziri Nikol Paşinyanla İranın xarici işlər naziri Abbas Əraqçi İrəvan və Tehran arasında ikitərəfli münasibətləri müzakirə ediblər.
Bu barədə TNS Ermənistan hökumətinin məlumatına istinadən xəbər verir.
Baş nazir görüşdə qeyd edib ki, Ermənistan və İran arasında münasibətlər təbii maraqlara əsaslanır.
A.Əraqçi, öz növbəsində bildirib ki, iki ölkə arasında münasibətlər strateji əhəmiyyət daşıyır.
"Həmsöhbətlər Ermənistan və İran arasında iqtisadi sahədə, o cümlədən infrastruktur və energetika sahəsində yeni layihələrin həyata keçirilməsinə toxunublar", - məlumatda qeyd olunub.
Bundan əlavə, N.Paşinyan və A.Əraqçi görüş zamanı Ermənistan-Azərbaycan münasibətlərinin normallaşması, o cümlədən sülh sazişinin imzalanması, həmçinin qarşılıqlı maraq doğuran digər məsələlər barədə fikir mübadiləsi aparıblar.
15:38
Ermənistanın baş naziri Nikol Paşinyan İranın xarici işlər naziri Abbas Araqçini qəbul edib.
TNS xarici KİV-ə istinadən xəbər verir ki, söhbət zamanı tərəflər ikitərəfli münasibətləri, həmçinin regional və qlobal məsələləri müzakirə ediblər.
Qeyd edək ki, İranın xarici işlər naziri Abbas Araqçi Ermənistanda səfərdədir. Bundan əvvəl o, erməni həmkarı Ararat Mirzoyanla görüşüb.