Close

23:58
02 Fevral 2025
22:21
02 Fevral 2025

Berlində 60 min insan etiraza qalxdı

Almaniyanın paytaxtı Berlində Xristian Demokrat İttifaqının miqrasiya siyasətini sərtləşdirmək və “Almaniya üçün Alternativ Partiyası” ilə əməkdaşlığını gücləndirmək təkliflərinə qarşı yürüş keçirilib.

TNS xəbər verir ki, bu barədə TASS məlumat yayıb.

Məlumata görə, fəallar Almaniya paytaxtının mərkəzində Reyxstaq binası yaxınlığında toplaşıb. Onların əllərində sərhədlərin bağlanmasına və “Almaniya üçün Alternativ Partiyası” ilə əməkdaşlığa qarşı çağırışlar olan plakatlar olub. Bundan əlavə, etirazçılar Xristian Demokrat İttifaqı və partiya liderinin miqrasiya siyasətlərinə qarşı müxtəlif şüarlar səsləndirirlər.

Təşkilatçıların məlumatına görə, nümayişdə 60 minə yaxın insan iştirak edib.