Vaşinqtonda hərbi helikopterlə sərnişin təyyarəsinin toqquşması nəticəsində 30-dan çox insan həlak olub.

TNS xəbər verir ki, bu barədə xilasetmə işlərinin gedişatı ilə tanış olan iki mənbə “NBC Washington” telekanalına məlumat verib.

Məlumata görə, ölənlərin meyiti təyyarənin düşdüyü Potomak çayından çıxarılıb.

13:04

ABŞ-nin Kaliforniya ştatında Santa Barbara hava limanı yaxınlığında kiçikmühərrikli təyyarə qəzaya uğrayıb.

TNS xəbər verir ki, bu barədə xarici KİV məlumat yayıb.

Bildirilib ki, qəza nəticəsində 2 nəfər ağır yaralanıb. Qəzanın baş vermə səbəbi hələlik məlum deyil.

Qeyd edək ki, bu gün səhər saatlarında Vaşinqtonda Reyqan adına aeroportda təyyarə qəzası baş verib. Yerə enməyə çalışan sərnişin təyyarəsi hərbi helikopterlə toqquşub. Təyyarənin göyərtəsində 64 nəfər olub, onlardan dördü ekipaj üzvüdür. Helikopterdə isə 3 hərbçinin olduğu məlumdur. Qəzadan sonra Potomak çayında axtarış-xilasetmə əməliyyatı başladılıb. “BNO News” portalının məlumatına görə, çaydan 19 nəfərin cəsədi aşkar olunaraq çıxarılıb.