Mədəndə qəza baş verdi - Ölənlər var
17:30 - 18 Yanvar 2025
Tacikistanın şimalında yeraltı işlər zamanı üç şaxtaçı həlak olub.
TNS yerli KİV-ə istinadən xəbər verir ki, bu barədə Tacikistanın Fövqəladə Hallar Komitəsinin mətbuat xidməti məlumat yayıb.
Faciə Soqd vilayətinin Ayni rayonundakı "Fon-Yaqnob" kömür mədənində baş verib.
"Yanvarın 17-də saat 14:00-da Fövqəladə Hallar Komitəsinin növbətçi hissəsinə "Fon-Yaqnob" mədənində iş zamanı uçqunun baş verdiyi və üç mədənçinin dağıntılar altında qaldığı barədə siqnal daxil olub", - məlumatda bildirilir.
Vurğulanıb ki, müvafiq orqanlar mədəndə baş verənlərin dəqiq səbəbini müəyyən edəcək.