Dünyada yeganə olan muzey yandı- VİDEO
Los-Anceles qraflığının Altadena şəhərindəki Dovşan Muzeyi bölgəni bürüyən meşə yanğınında yanıb.
TNS xəbər verir, bu barədə CBS News məlumat yayıb.
“Təxminən 50,000 eksponatın sərgiləndiyi və dovşanlara həsr olunmuş dünyanın yeganə muzeyi güclü yanğın nəticəsində dağılan çoxsaylı binalardan biridir”,-nəşrin məlumatında deyilir.
Muzeyin həmtəsisçisi Stiv Lubanskinin sözlərinə görə, o, həyat yoldaşı ilə 40 ilə yaxındır ki, dovşan kolleksiyasını toplayır. Yanğın eksponatların əksəriyyətini məhv edib, lakin ev heyvanlarını və bəzi əşyaları xilas etmək mümkün olub.
Qeyd edək ki, Los-Ancelesdəki yanğınlar şəhərin üç ərazisini əhatə edib: İton, Pasifik Paliseyds və Herst. Ümumilikdə 70 minə yaxın insan təxliyə edilib. Bir çox məşhurların bölgədəki dəbdəbəli malikanələri yanıb.
