Britaniyada güclü qar: hava limanları bağlandı
Böyük Britaniyada güclü qar səbəbindən bir neçə hava limanı bağlanıb, avtomobil yollarında qəzalar baş verib.
TNS xəbər verir ki, Mançester hava limanı və Liverpulun Con Lennon aeroportu qar səbəbindən uçuş-enmə zolaqlarını müvəqqəti bağlayıb.
Mançester hava limanından verilən açıqlamada komandanın uçuş-enmə zolaqlarını mümkün qədər tez təmizləmək üçün çalışdığı vurğulanıb. Liverpul Con Lennon hava limanı isə uçuş-enmə zolağının bağlı olmasına baxmayaraq, fəaliyyətini davam etdirir.
Dünən axşam saatlarından etibarən Bristol hava limanında da uçuşlar dayandırılıb. Londonun Luton aeroportunda da oxşar vəziyyət yaşanıb. Hava limanının veb-saytında bəzi reyslərin gecikdiyi göstərilir.
Səyahətçilərə hava limanlarına getməzdən əvvəl vəziyyətlə tanış olmaq tövsiyə edilir.