Hərbi helikopter qəzaya uğradı, ekipaj üzvləri öldü
08:58 - 05 Yanvar 2025
Rusiyanın Voronej vilayətində Mi-28 helikopteri qəzaya uğrayıb.
TNS xəbər verir ki, bu barədə yerli “MOYO!” nəşrinə regionun İstintaq Komitəsindən bildirilib.
“Mi-28 hərbi helikopteri Voronej vilayətində qəzaya uğrayıb və yanıb. Faciə yanvarın 1-də baş verib. Müstəntiqlər araşdırmaya başlayıblar”, – nəşr qeyd edib.
Hadisənin təxminən saat 18:00-da baş verdiyi deyilir. Qəzanın səbəbləri bəlli deyil.
Müstəqil “Astra” teleqram kanalı göyərtədə olan hər iki ekipaj üzvünün öldüyünü açıqlayıb. Qəzanın cəbhə xəttindən 250 km məsafədə olduğu bildirilib.
Xatırladaq ki, ötən ilin iyulunda ölkənin Kaluqa vilayətində Mi-28 helikopteri qəzaya uğramışdı.