Daha bir təyyarə qəzası - Ölənlər var
21:13 - 29 Dekabr 2024
Birləşmiş Ərəb Əmirliklərinin Rəs əl-Xəymə sahillərində yüngül mühərrikli təyyarənin qəzaya uğraması nəticəsində iki nəfər ölüb.
TNS xəbər verir ki, bu barədə "WAM" Agentliyi BƏƏ-nin Mülki Aviasiya Baş İdarəsinə istinadən məlumat yayıb.
Məlumata görə, “Əl-Cəzirə” aviasiya və idman klubuna məxsus yüngül mühərrikli təyyarə Fars körfəzi sularında, Rəs əl-Xəymə əmirliyi sahillərində qəzaya uğrayıb.
Hadisə nəticəsində pilot və sərnişinin öldüyü qeyd edilir.
Səlahiyyətlilər təyyarənin qəzaya uğramasının səbəbini müəyyənləşdirmək üçün araşdırmalarını davam etdirir.