Lavrovdan Ukrayna açıqlaması: "Danışıqlara hazırıq!"
09:30 - 29 Dekabr 2024
Moskva Ukrayna ətrafındakı vəziyyəti həll etmək üçün danışıqlara hazırdır.
TNS xəbər verir ki, bunu Rusiya xarici işlər naziri Sergey Lavrov RİA Novosti agentliyinə müsahibəsində bildirib.
Onun sözlərinə görə, danışıqlar böhranın əsas səbəblərini aradan qaldırmağa və “yerdə” real vəziyyəti nəzərə almağa yönəlməlidir.
Lavrov ABŞ administrasiyasının Ukrayna ilə bağlı danışıqlara başlamaq üçün bütün rıçaqlarının olduğunu söyləyib:
"Vaşinqton münaqişəni dayandırmaq istəsəydi, silah tədarükünü dayandırardı. Kiyev və Qərbin Ukraynada atəşkəsin tətbiqi ilə bağlı müzakirəsi onlara Ukrayna Silahlı Qüvvələrinin potensialını möhkəmləndirməkdən ötrü fasilə üçün lazımdır. Bu, dalana aparan yoldur".
