Rusiya XİN təyyarə qəzası ilə bağlı bu xəbəri təkzib etdi
NATO ölkələrində yerləşən xarici agentlərin təqdimatı ilə internetdə Rusiya Xarici İşlər Nazirliyinin Mərkəzi Aparatının yüksək vəzifəli əməkdaşlarının guya 2024-cü il dekabrın 25-də Aktau yaxınlığında baş vermiş təyyarə qəzası ilə bağlı Azərbaycan və Qazaxıstan Xarici İşlər Nazirliklərinin nümayəndələri ilə versiyalar hazırlamaq barədə danışıqlar apardığını iddia edən yalan məlumat yayılır.
TNS xəbər verir ki, bunu Rusiya XİN-in sözçüsü Mariya Zaxarova deyib.
O bildirib ki, bu məsələ ilə bağlı adıçəkilən ölkələrin xarici siyasət idarələri ilə heç bir danışıqlar aparılmayıb:
“Qəzanın səbəblərinin araşdırılması müvafiq qurumlar tərəfindən həyata keçirilir. Aydındır ki, bu cür qərəzli dezinformasiyanın arxasında siyasi sifariş dayanır. İnsan faciəsi üzərindən piar cəhdlərini ləyaqətsizlik və qəbuledilməz hesab edirik”.
