Dəhşətli yol qəzasında 7 nəfər öldü - FOTO
22:34 - 21 Dekabr 2024
Rusiyanın işğalı altında olan Luqansk vilayətində dəhşətli yol qəzası olub.
TNS xəbər verir ki, mikroavtobusla minik avtomobilinin toqquşması nəticəsində yeddi nəfər ölüb.
Rusiyanın İstintaq Komitəsinin “Luqansk Xalq Respublikası” üzrə İstintaq İdarəsinin yaydığı məlumata görə, bu gün axşam saatlarında Dovjanske – Kiyev yolunda, Antratsit bələdiyyə dairəsinin Dyakove kəndi yaxınlığında mikroavtobus və avtomobil toqquşub. İlkin məlumata görə, qəza nəticəsində hər iki nəqliyyat vasitəsinin sürücüsü də daxil olmaqla yeddi nəfər aldığı xəsarətlərdən ölüb.
Digər sərnişinlərin vəziyyəti haqqında məlumat yoxdur.
Qeyd edək ki, Ukraynanın Dyakove kəndi 2014-cü ildən işğal altındadır.