Husilər Təl-Əvivə hipersəsli ballistik raketlərlə zərbələr endiriblər
18:30 - 19 Dekabr 2024
Yəmənin "Ənsar Allah" üsyançı hərəkatından olan husilər Təl-Əviv bölgəsində İsrailin hərbi hədəflərinə zərbələr endiriblər.
TNS-in "Al Masirah" telekanalına istinadən məlumatına görə, bunu üsyançıların nümayəndəsi Yəhya Saria bildirib.
"Yəmən Silahlı Qüvvələrinin raket qoşunları hərbi əməliyyat keçirərək, iki "Fələstin-2" hipersəs ballistik raketi ilə İsrailin Yaffa (Təl-Əviv - red.) bölgəsindəki iki kritik hərbi obyektinə hücum edib. Əməliyyat uğurlu olub ", - deyə hərəkatın nümayəndəsi bildirib.
Onun sözlərinə görə, Təl-Əvivə raket zərbəsi İsrailin Yəmənə hücumu ilə eyni vaxtda endirilib.
