Məhkəmə Sarkozinin şikayətini təmin etmədi
17:50 - 18 Dekabr 2024
Fransanın Ali Məhkəməsi keçmiş Prezident Nikolya Sarkozinin barəsindəki hökmü qüvvədə saxlayıb.
TNS-in “Agence France-Presse”yə istinadən xəbərinə görə, qərar “nüfuz alveri” ittihamı ilə ona qarşı qaldırılan cinayət işi üzrə hökmdən şikayət əsasında çıxarılıb.
O, bu il, mayın 17-də məhkəmənin qərarı ilə 3 il müddətinə azadlıqdan məhrum edilib. Qərarda göstərilib ki, N. Sarkozi cəzasının 1 ilini elektron qolbağın tətbiqi ilə ev şəraitində, iki illik müddətini isə şərti olaraq çəkməlidir.
Qeyd edək ki, kassasiya şikayəti ona qarşı “nüfuz alveri” ittihamı üzrə çıxarılan qərardan verilib.