HƏMAS və İsrail arasında girovlarla bağlı razılaşma əldə oluna bilər
10:51 - 17 Dekabr 2024
HƏMAS hərəkatı ilə İsrail arasında girovların azad edilməsi ilə bağlı razılığın əldə olunması dekabrın sonuna qədər baş tuta bilər.
TNS-in məlumatına görə, bu barədə “Al Hadath” telekanalı məlumat yayıb.
Telekanal adı açıqlanmayan mənbələrə istinadən Qəzza ilə bağlı yekun razılaşma istiqamətində mühüm irəliləyiş olduğunu bildirib.
Məlumata görə sövdələşmədə iki əsas məsələ həll olunmağa yaxındır və ayın sonunadək birinci mərhələ üzrə razılığın əldə olunması gözlənilir.
İsrail və Misir rəsmilərinin yaxın günlərdə qalan məsələləri müzakirə etmək üçün yekun görüş keçirmək niyyətində olduqları bildirilir.
