Rusiya vətəndaşlarına xəbərdarlıq etdi- Saxlanma riski var
06:30 - 12 Dekabr 2024
Rusiya Xarici İşlər Nazirliyi vətəndaşlarını saxlanma ehtimalı səbəbindən ABŞ və müttəfiq ölkələrə səyahət edərkən riskləri ölçməyə çağırıb.
TNS xəbər verir ki, bu barədə nazirliyin sözçüsü Mariya Zaxarova brifinqdə bildirib.
Onun sözlərinə görə, ölkələr arasında artan qarşıdurma səbəbindən ABŞ-yə səyahət ciddi risklərlə doludur.
Diplomat qeyd edib ki, ABŞ-yə vizalarının verilməsində ayrı-seçkilik proseduru ilə yanaşı, ruslar uzun müddətdir ki, Amerika hakimiyyət orqanları tərəfindən sözün hərfi mənasında “ov” obyektinə çevriliblər.