Tramp “İlin adamı” olacaq
05:44 - 12 Dekabr 2024
ABŞ-nin yeni seçilmiş Prezidenti Donald Tramp dekabrın 12-də “Time” jurnalı tərəfindən ilin adamı elan ediləcək.
TNS xəbər verir ki, bu barədə “Politico” qəzeti mənbələrə istinadən məlumat yayıb.
Nəşrin məlumatına görə, bunun şərəfinə Tramp cümə axşamı Nyu-York Fond Birjasının açılışında iştirak edəcək və ticarətin başlandığını bildirən zəngi çalacaq.
Namizədlərin qısa siyahısında həmçinin ABŞ-nin vitse-prezidenti Kamala Harris, Böyük Britaniya taxt-tacının varisi Şahzadə Uilyamın həyat yoldaşı, Uels şahzadəsi Ketrin (Middleton), planetin ən zəngin adamı İlon Mask, İsrailin Baş naziri Benyamin Netanyahu və eləcə də Aleksey Navalnının dul arvadı Yuliya Navalnaya da var.
Qeyd edək ki, Tramp bu adı artıq 2016-cı ildə alıb.