Tramp digər qudasına da yüksək vəzifə verir
23:58 - 01 Dekabr 2024
ABŞ-nin yeni seçilmiş prezidenti Donald Tramp iş adamı Massad Bulosu Yaxın Şərq üzrə baş məsləhətçi təyin etmək niyyətində olduğunu açıqlayıb.
TNS xəbər verir ki, bu barədə siyasətçi “Truth” sosial şəbəkəsindəki səhifəsində məlumat verib.
Onun sözlərinə görə, Massad təcrübəli hüquqşünas və böyük beynəlxalq təcrübəyə malik hörmətli biznesmendir.
İş adamı seçki kampaniyası zamanı seçilmiş prezidenti fəal şəkildə dəstəkləyib.
Livan əsilli nigeriyalı milyarder Massad Bulos Trampın qudasıdır. ABŞ-nin yeni seçilmiş prezidentinin kiçik qızı Tiffani Tramp 2022-ci ildə Massad Maykl Bulos ilə evlənib.
Xatırladaq ki, bundan əvvəl Tramp digər qudası Çarlz Kuşneri ölkəsinin Fransadakı səfiri təyin edəcəyini bildirib.
