Tbilisidə polislə etirazçılar arasında qarşıdurma yarandı
23:12 - 01 Dekabr 2024
Tbilisidə parlament binasının qarşısında etiraz aksiyası davam edir.
TNS “Interpress”ə istinadən xəbər verir ki, hüquq-mühafizə orqanlarının əməkdaşları ilə aksiya iştirakçıları arasında qarşıdurma yaranıb. Hüquq-mühafizə orqanlarının əməkdaşları su şırnaqlarından istifadə ediblər. Aksiya iştirakçıları isə onlara qarşı pirotexniki vasitələrdən istifadə etməyə başlayıblar.
Qeyd edək ki, aksiya iştirakçıları hakim “Gürcü Arzusu” partiyasının Gürcüstanın Avropa İttifaqına üzvlüklə bağlı danışıqlar məsələsini 2028-ci ilə qədər dayandırmasına etiraz edirlər.
