Hizbullah İsrail qərargahına zərbə endirdi
22:52 - 22 Noyabr 2024
Hizbullah döyüşçüləri Qolan təpələri və Aşağı Qalileydə İsrail ordusunun mövqelərinə raket zərbələri endirib.
TNS xəbər verir ki, bu barədə qruplaşmanın "Telegram" kanalında yayılan məlumatda deyilir.
“İslam müqaviməti döyüşçüləri Kibbutz Maale Qolanidəki “HaHermon” 810-cu ehtiyat piyada briqadasının qərargahına və səhra düşərgəsinə hücum edib.
Həmçinin Hermon dağında, 210-cu ərazi diviziyasında yerləşdirilmiş raket hücumu xəbərdarlığı sisteminə də zərbə endirilib”, - deyə bildirilib.
İsrail ordusunun zabit və əsgərləri arasında itkilərin olduğu qeyd edilir.
