ABŞ-nin yeni seçilmiş prezidenti Donald Trampın seçkilərdə qalib gəlməsi ilə bağlı xəbərlər dünyanın ən zəngin 10 adamına sərvətlərini ümumilikdə 63,5 milyard dollar artırmağa kömək edib.

TNS xəbər verir ki, bu barədə “Bloomberg” məlumat yayıb.

Agentliyin məlumatına görə, ən çox varlanan amerikalı sahibkar İlon Mask olub. Trampın qələbəsi xəbərindən sonra “SpaceX”in yaradıcısının sərvəti 10,1% (26,5 milyard dollar) artaraq 290,3 milyard dollara çatıb.

Reytinqdə ikinci yerdə 3,2% (7,14 milyard dollar) zənginləşən “Amazon” onlayn pərakəndə satış şirkətinin yaradıcısı Ceff Bezos qərarlaşıb. İlk üçlüyü Oracle korporasiyasının rəhbəri Larri Ellison tutub. Onun sərvəti 5,4% (9,88 milyard dollar) artıb.

Trampın seçkilərdə qələbəsi ilə bağlı məlumatlar “Microsoft”un yaradıcısı Bill Qeyts, korporasiyanın keçmiş baş direktoru Stiv Balmer, “Google” təsisçiləri Larri Peyc və Sergey Brin, həmçinin “Berkshire Hathaway”in rəhbəri Uorren Baffet və kriptovalyuta birjasının rəhbərləri Brayan Armstronq və Chanpen Caonun sərvətini artırmağa kömək edib.