Trampın Maskla əməkdaşlığı belə başlayıb
Amerikalı biznesmen İlon Mask və ABŞ prezidentliyinə namizəd Donald Tramp arasında qarşılıqlı əlaqə bir mesajla başlayıb.
TNS xəbər verir ki, bu barədə "New York Times" mənbələrə istinadən yazıb.
Nəşrin məlumatına görə, Mask siyasi ekspertlərlə məsləhətləşdikdən sonra Trampın Corciya, Şimali Karolina və Pensilvaniya ştatlarında erkən səs verməyə meylli olan seçicilərin dəstəyini qazanmaqla qalib gələ biləcəyini müəyyən edib və Respublikaçıların namizədinə müraciət edib.
Məqalə müəllifləri qeyd edib ki, Mask və Tramp arasında siyasi əməkdaşlıq məhz o andan başlayıb.
Qeyd edək ki, ABŞ-də prezident seçkiləri noyabrın 5-də keçiriləcək. Demokratlar Partiyasının namizədi hazırkı vitse-prezidenti Kamala Harris, Respublikaçılar Partiyasının namizədi isə sabiq prezident Donald Trampdır.
