HƏMAS liderinin ölümünün gözlənilməz təfərrüatı: BMT pasportu, böyük məbləğdə pul
Fələstin HƏMAS hərəkatının siyasi bürosunun rəhbəri Yəhya Sinvarın məhv edilməsi işində yeni faktlar üzə çıxıb. Belə ki, HƏMAS liderinin ölümü zamanı onun üzərində BMT-nin Fələstinli Qaçqınlara Yardım və İşlərin Təşkili üzrə Yaxın Şərq Agentliyinin (UNRWA) əməkdaşının pasportu aşkar edilib.
TNS-in verdiyi məlumata görə, bu barədə "The Jerusalem Post" qəzetində xəbər verilib.
Bundan əlavə, Sinvarın şəxsi əşyaları arasında "Mentos" konfetləri və böyük məbləğdə pul - 40 min şekel (təxminən 10.7 min dollar) tapılıb.
Xatırladaq ki, Yəhya Sinvar oktyabrın 16-da İsrail hərbçilərinin Qəzza zolağının cənubunda keçirdiyi əməliyyat zamanı öldürülüb.