Makronun impiçmenti ilə bağlı son qərar verildi
Fransa Prezidenti Emmanuel Makronun impiçmenti ilə bağlı qətnamənin müzakirəsi dəstəklənməyib, ona görə də onun baxılması başa çatıb.
TNS xəbər verir ki, bu barədə “Le Monde” məlumat yayıb.
Qətnamə Fransa parlamentinin aşağı palatası olan Milli Assambleyanın iclasının gündəliyinə salınmalı idi, lakin mərkəzçi fraksiyaların liderləri buna qarşı çıxıblar.
Ötən həftə Milli Assambleyanın qanunvericilik komissiyası prezident Makronun impiçmenti ilə bağlı qətnaməni rədd edib. Bu nəticə gözlənilən idi, çünki komissiyanın 73 üzvündən yalnız 24-ü prosedurun təşəbbüskarı olan solçu partiyalardandır.
Eyni zamanda, parlamentdə onun lehinə səsvermənin də uğurlu olması mümkünsüz idi, çünki onun qəbul edilməsi üçün 577 deputatın üçdə ikisi onu dəstəkləməlidir.
