“Yaxşı bir türk hədiyyəsidir, bir az bahadır" - Ərdoğan Putinə nə göndərib?
14:33 - 08 Oktyabr 2024
Türkiyə lideri Rəcəb Tayyib Ərdoğan Vladimir Putinə xüsusi olaraq ad günü hədiyyəsi göndərib.
TNS xəbər verir ki, bunu Rusiya Prezidentinin köməkçisi Yuri Uşakov bildirib.
Uşakovun sözlərinə görə, iki lider arasında dünənki söhbətdən əvvəl Ərdoğan xüsusi olaraq hədiyyə göndərib.
Köməkçi təfərrüatlara varmadan bunun yaxşı bir türk hədiyyəsi olduğunu qeyd edib.
Həmçinin, Putinə hədiyyənin dövlət qulluqçuları üçün icazə verilən üç min rubla daxil olub-olmaması ilə bağlı sualı cavablandıran Uşakov zarafatla bu, “bir az bahadır” deyib.
