Qriqoryan ABŞ rəsmisi ilə sülh prosesini müzakirə etdi
20:29 - 20 Sentyabr 2024
Ermənistan Təhlükəsizlik Şurasının katibi Armen Qriqoryan ABŞ dövlət katibinin müavini Coşua Hakla görüşüb.
TNS xəbər verir ki, bu barədə Qriqoryan "Facebook" səhifəsində yazıb.
Tərəflər Ermənistan-ABŞ ikitərəfli münasibətlərinin gündəliyində duran məsələləri müzakirə ediblər.
Xüsusilə iqtisadi əlaqələrin inkişaf etdirilməsi və bu sahədə əməkdaşlığın gücləndirilməsindən danışılıb.
Görüşdə regional təhlükəsizlik vəziyyəti və Ermənistan-Azərbaycan münasibətlərinin nizamlanması üzrə danışıqlar prosesi də müzakirə olunub.