Rusiyada 1000-ə yaxın miqrant həbs olundu
![](/upload/files/up3/Xeberler/2024/07/26/rusiyada_miqrantlar_saxlanildiad_100_a.jpg)
İyul ayı ərzində Rusiyanın Sankt-Peterburq və Leninqrad vilayətində polis 1000-ə yaxın miqrantı həbs edib.
TNS xəbər verir ki, bu haqda ölkənin Daxili İşlər Nazirliyi məlumat yayıb.
“Onların əksəriyyəti miqrasiya qanunlarının pozulması ilə bağlı saxlanılıb” , - hesabatda qeyd olunur.
Yoxlamalar nəticəsində yüzlərlə qanun pozucusu həbs edilib.
“Miqrasiya qanunvericiliyinin ən kobud şəkildə pozulmasına yol vermiş 900-dən çox əcnəbi bir neçə il ərzində geri qayıtmaq qadağası ilə Rusiya Federasiyasından deportasiya olunmaq üçün ixtisaslaşdırılmış mərkəzlərə yerləşdirilib”, - deyə Baş İdarədən bildirilib.
Bundan əlavə, qeyri-qanuni miqrasiya üçün kanallar təşkil edən iki cinayətkar qrup da məhv edilib.