Efiopiyada torpaq sürüşməsi nəticəsində azı 20 nəfər ölüb
20:31 - 22 İyul 2024
Efiopiyanın cənubunda torpaq sürüşməsi nəticəsində azı 20 nəfər ölüb.
TNS xəbər verir ki, bu barədə “Fana Broadcasting Corporate” dövlət radiosu məlumat yayıb.
Məlumata görə, sürüşmə ölkənin cənubundakı Qeze-Qofa bölgəsində baş verib. Rayon rəhbəri Misikir Mitiku bildirib ki, xilasedicilər artıq 20-dən çox meyit aşkarlamağa nail olublar.
Onun sözlərinə görə, sürüşmə bölgəsində xilasetmə işləri davam etdiyi üçün ölənlərin sayı arta bilər.
