İngiltərədə 16 yaşlı oğlan Hollivud filmlərinin simvolikləşmiş  “Sycamore Gap” ağacını kəsdiyinə görə həbs edilib.

TNS xəbər verir ki, 1991-ci ildə çəkilmiş “Robin Hud: Oğrular Şahzadəsi” filmində görünməsindən sonra məşhurlaşan çinar ağacının kəsilməsi ölkədə qəzəb və kədərə səbəb olub.

İngiltərənin şimalındakı Northumberland Milli Parkında, “Çinar keçidi” olaraq bilinən nöqtədəki ağac YUNESKO-nun Dünya İrs siyahısında olan və Roma İmperiyasının şimal-qərb sərhədini qorumaq üçün təxminən 1900 il əvvəl tikilmiş tarixi Hadrian Divarında yerləşirdi.

“Sycamore Gap” İngiltərədə ən çox fotoşəkil çəkilən ağaclardan biri hesab olunur və 2016-cı ildə "İlin ağacı" seçilib.

Ərazini idarə edən “National Trust” xeyriyyə təşkilatı ağacın kəsildiyini görəndə şoka düşdüklərini və kədərləndiklərini bildiriblər.

"Ağac 200 ilə yaxındır landşaftın  mühüm simvolu olub, yerli ictimaiyyət və əraziyə gələn hər kəs üçün çox şey ifadə edib”,- təşkilatın baş meneceri bildirib.