Turistlər üçün kosmosa biletlərin satışına başlanılıb – Bir biletin qiyməti 450 min ABŞ dollarıdır
14:36 - 16 Fevral 2022
Amerikanın “Virgin Galactic” şirkəti turistlər üçün kosmosa biletlərin satışına başladığını elan edib. Bir biletin minimum qiyməti 450 000 ABŞ dolları olacaq. Satışlar bu gün - fevralın 16-da açılacaq.
TNS xəbər verir ki, bu barədə "Business Insider" portalı məlumat yayıb.
Bildirilir ki, biletin qiymətinə 150.000 dollar depozit daxildir. Uçuş 90 dəqiqə davam edəcək. 2022-ci il ərzində 1000 biletin satışı və alıcılarının kosmosa göndərilməsi planlaşdırılır.
Uçuşlar Nyu Meksikodan həyata keçiriləcək.
Xatırladaq ki, “Virgin Galactic”in sahibi Riçard Branson 2021-ci ilin iyulunda kosmosa uçmuşdu. Bir neçə gün sonra dünyanın ən zəngin adamı Ceff Bezos kosmosa səfər etmişdi.
