Alternativ enerji istehsalı layihələri üzrə minimum məbləğ müəyyənləşdirilib
17:20 - 08 May 2025
Nazirlər Kabineti dövlətin satınalma öhdəliyi ilə bərpa olunan enerji mənbələrindən istifadə edilməklə elektrik enerjisi istehsalı layihələri üzrə minimum məbləğin həddini təsdiq edib.
TNS xəbər verir ki, bununla bağlı Baş nazir Əli Əsədov yeni qərar imzalayıb.
Qərara əsasən, dövlətin satınalma öhdəliyi ilə bərpa olunan enerji mənbələrindən istifadə edilməklə elektrik enerjisi istehsalı layihələri üzrə ümumi investisiyanın minimum məbləği 30 milyon manat müəyyənləşdirilib.
