"Biri var imtahan kəsmək, bir də var inkişaf üçün nəzərdə tutulub. Bizim oxuduğumuz elə fənlər var idi ki, onun 80-90 faizi praktik həyatımızda bizə lazım deyil".

TNS "Unikal"a istinadla xəbər verir ki, bunu Milli Məclisin Əmək və sosial siyasət komitəsinin bu gün keçirilən iclasında Əmək Məcəlləsində, “Əhalinin sağlamlığının qorunması haqqında”, “Özəl tibb fəaliyyəti haqqında” və “Dərman vasitələri haqqında” qanunların müzakirəsi zamanı deputat Elşad Musayev deyib.

"Bu imtahan rəqabət üçün olmalıdır. İmtahan stress, ixtisar etmək üçün olmalı deyil. Tibb işçilərinin yaş məsələsinə toxunuldu. Bu, həssas məsələdir. Yaş məsələsini ortadan götürmək üçün iqtisadi baxımdan daha çox inkişaf etməliyik. Biz orta məktəbdə ibtiadi sinif müəllimini 65 yaşına çatanda pensiyaya çıxardırıq. Amma akademiyanın prezidenti 90 yaşında işləyir. Yaxud, universitetlərin alimləri, professorları işləyir. Deməli, akademiyanın prezidenti işləmək orta məktəbdə sinif müəllimi işləməkdən daha az məsuliyyətlidir? Ona görə də buna fərqli yanaşmalıyıq. Ölkəmizin iqtisaid gücü, potensialı artır", - deyə deputat bildirib.