DİM bu ay hansı imtahanları keçirəcək?
Dövlət İmtahan Mərkəzi (DİM) bu ay bır sıra imtahanlar keçirəcək.
TNS xəbər verir ki, magistratura səviyyəsinə qəbul imtahanının birinci cəhdi fevralın 16-da keçiriləcək.
Bu imtahanda iştirak etmək üçün bakalavrların ərizə qəbulu yanvarın 13-dən 27-dək aparılıb.
Bundan başqa, I, II, III və IV ixtisas qrupları üzrə ali təhsil müəssisələrinə qəbul imtahanının ikinci mərhələsinə uyğun sınaq imtahanına qeydiyyat fevralın 6-dan 26-dək aparılacaq.
Qeyd edək ki, ali təhsil müəssisələrinə qəbul imtahanlarında iştirak etmək üçün bütün abituriyentlərin qeydiyyatı (ərizə qəbulunun I mərhələsi) fevralın 20-də başlayacaq və martın 5-dək davam edəcək.
Eyni zamanda, tam (11 illik) orta təhsil bazasında və ümumi (9 illik) orta təhsil bazasında orta ixtisas təhsili müəssisələrinə qəbul olmaq istəyənlərin qeydiyyatı fevralın 20-dən martın 5-dək aparılacaq.
Aygün
