Sosial müavinətlər nə vaxt ödəniləcək?
Yanvarın 28-i olmasına baxmayaraq, ölkə üzrə aylıq sosial müavinətlər tam ödənilməyib.
Sosial ödənişlər hansı səbəbdən gecikir?
Məsələ ilə bağlı Dövlət Sosial Müdafiə Fondundan TNS-in sorğusunu cavab olaraq bildirilib ki, sosial ödənişlər, cümlədən pensiyalar müvafiq ayın son günü ödənilməli olduğu halda müəyyən edilmiş qrafikə əsasən, daha tez müddətdə ödənilir: "Əvvəlki vaxtlarda olduğu kimi yanvarın pensiya və sosial ödənişləri də ay yekunlaşmadan köçürüləcək.
Hazırda ödənişlərin köçürülmə prosesi gedir və axşamadək yekunlaşacağı gözlənilir".
Qeyd olunub ki, hazırda müəyyən edilmiş qrafikə görə Bakı və Sumqayıt şəhərləri, eləcə də Abşeron rayonunda pensiyalar hər ayın 8-15-i aralığında, respublikanın digər bölgələrində, o cümlədən güzəştli şərtlərlə pensiya ödənişləri isə 20-28-i aralığında ödənilir.
Aygün
