Dövlət İmtahan Mərkəzi (DİM) qəbul imatahanlarının rəqəmsal formatda keçirilməsi prosesinə başlayıb. Məlumdur ki, qurum bir sıra imtahanı elektron qaydada keçirməklə praktiki təcrübə qazanıb.

Xatıraladaq ki, ötən ilin may ayında DİM-in elektron imtahanların keçirilməsi üçün nəzərdə tutulan imtahan korpusu da istifadəyə verilib.
Bir neçə gün əvvəl Dövlət İmtahan Mərkəzinin İdarə heyətinin sədri Məleykə Abbaszadə yaxın zamanda qəbul imtahanlarının elektron formada keçiriləcəyini vurğulayıb.

Bəs, buraxılış və blok imtahanlarının elektron formatda keçirilməsi təxminən neçə müddətdən sonra reallaşa bilər?

Bu barədə TNS-ə danışan təhsil məsələləri üzrə mütəxəssis Elçin Əfəndi bildirib ki, hazırda imtahanların elektron formatda keçirilməsinə başlanılıb: “Magistratura pilləsinə qəbul imtahanları, eyni zamanda başqa bölmələrdə təhsil alan şagirdlər üçün Azərbaycan dili (dövlət dili kimi - red.) fənnindən imtahanlar artıq rəqəmsal olaraq keçirilir. Buraxılış və blok imtahanlarına gəlincə isə hesab edirəm ki, artıq 2027-2028-ci illərdən etibarən bu imtahanların da elektron formada keçirilməsini görə biləcəyik".

Aygün